У Гродне прэзентавалі гістарычныя стравы горада (фотарэпартаж)

У панядзелак, 22 снежня, у Гродне ў антыкавярні "Жывы час" адбылася прэзентацыя гістарычных страваў горада. Гродзенскія пернік, тварожнік і пудынг, якія елі гараджане дзясяткі гадоў таму, прэзентавалі мясцовыя краязнаўцы і гісторыкі. Стравы можна было не толькі паспрабаваць, але і атрымаць унікальную паштоўку з іх рэцэптам.

Як распавяла гродзенскі гісторык Таццяна Касатая, усе гэтыя стравы здаўна былі традыцыйнымі ў рэгіёне. Рэцэпты давялося шукаць у інтэрнэце ці запісваць са слоў доўгажыхароў, а стравы на гэтай прэзентацыі прыгатавалі сваімі рукамі.

Напрыклад, пра напой “Бузу” гісторык даведалася ад журналісткі, якая пражыла ў Гродне шмат гадоў. Рабіўся ён з дрожджаў, аўсянкі і цукру ды настойваўся некалькі дзён. Прадавалі яго гадоў 70 таму на вуліцы Дамініканскай (цяпер Савецкай). Таксама сярод страваў быў і ўнікальны пернік, на які нанеслі адбітак казы ў гонар будучых Калядаў.

На сустрэчы прайшла і прэзентацыя паштовак з рэцэптамі гродзенскіх страваў. Па словах краязнаўцы Аляксандра Перагудава, іх наклад налічвае не больш за сто асобнікаў. Дарэчы, плануецца выпусціць яшчэ, бо на прэзентацыі іх усё раскупілі.

Апошнія навіны

Галоўнае

Выбар рэдакцыі