У Гродне абрабавалі ювелірную краму
Увечары 31 студзеня ў Гродне абрабавалі ювелірную краму, паведамляе прэс-служба Следчага камітэта.
Пагражаючы прадавачцы нажом, мужчына скраў 19 найменняў залатых вырабаў і ўцёк. Прадавачка націснула кнопку трывогі і расказала міліцыянтам, што здарылася.
Следчыя разам з міліцыяй затрымалі падазраванага. Паведамляецца, што гэта 43-гадовы гродзенец, раней неаднаразова судзімы. Яго затрымалі супрацоўнікі ДАІ ў Шчучынскім раёне. Адзначаецца, што падчас злачынства мужчына быў нецвярозы.
Следчыя пачалі крымінальную справу паводле артыкула 207 КК (разбой).
