У Гомелі мужчына "грэў ногі на Вечным агні", цяпер ён у бальніцы
Курган славы ў Гомелі / autotravel.ru
Жыхар Гомеля апынуўся ў бальніцы з тэрмічнымі апёкамі пасля таго, як паспрабаваў сагрэцца ля Вечнага агню, распавядаюць гомельскія ратавальнікі. Інцыдэнт адбыўся ў парку "Фестывальны". Там размешчаны мемарыяльны комплекс Курган Славы, каля якога гарыць Вечны агонь
Высветлілася, што мужчына быў нецвярозы, "грэў ногі на Вечным агні. У выніку чаго на ім загарэлася адзенне".
Пры гэтым мужчына змог самастойна патушыць вопратку. А відавочцы тым часам выклікалі хуткую. Медыкі прынялі рашэнне шпіталізаваць пацярпелага.
