У Гомелі каровы збеглі з загону — адна ўпала на чалавека
Статак кароў
Карова ўпала на чалавека ў Гомелі — гэта здарылася сёння днём недалёка ад Лядовага палаца, паведамляюць мясцовыя сацсеткі.
Абставіны здарэння ўдакладняюцца. Чалавек, на якога ўпала жывёла, перададзены медыкам, яго шпіталізавалі.
Заўтра ў Гомелі мае адбыцца "Мясафэст". Імаверна, менавіта для гэтага мерапрыемства прывезлі кароў, аднак яны збеглі з загону.
"У нас у двары як бы бяжыць бык. Чаго рабіць з ім? Трэба, напэўна, камусьці патэлефанаваць?" — кажа дзяўчына на відэа. Карова была заўважаная на вуліцы Броўкі, 41.
Як стала вядома, інцыдэнт адбыўся падчас падрыхтоўкі выставачных вальераў — дзве каровы збеглі падчас разгрузкі.
Ва УУС Гомельскага аблвыканкама таксама паведамілі аб адным пацярпелым. Падчас разгрузкі карова ўпала на нагу 51-гадовага работніка сельгаспрадпрыемства. Ён дастаўлены ў медустанову для аказання дапамогі.
