Вы тут

У Гомелі абрынуліся канструкцыі 4-павярховага будынка

На месцы здарэння / mchs.gov.by

У Гомелі абрынуліся канструкцыі ўнутры 4-павярховага цаглянага будынка. Здарэнне адбылося пасля 12-й гадзіны 26 ліпеня на Рабочай вуліцы. Пра яго ратавальнікам паведаміў вартаўнік Дэпартамента аховы. Ён паспеў выбегчы, калі пачуў гукі абвалу канструкцый, паведамляе прэс-служба МНС.

Будынак быў узведзены амаль паўстагоддзя таму. Пасля рамонту яго планавалі здаваць у арэнду пад складскія памяшканні. У апошнія дні ішло ўсталяванне вокнаў. Жалезабетонныя перакрыцці абрынуліся ў будынку на ўсіх чатырох паверхах. Праводзіцца праверка.

Гэты і наступны здымкі — mchs.gov.by

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.