У Гаазе за ваенныя злачынствы пачалі судзіць былога прэзідэнта Косава
Хашым Тачы ў Гаазе / Reuters
Міжнародны крымінальны суд у Гаазе пачаў разгляд справы экс-прэзідэнта часткова прызнанай рэспублікі Косава Хашыма Тачы. Абвінавачванні яму выстаўлены па дзесяці пунктах. Сярод іх — забойствы, катаванні і знікненні людзей. Гаворка пра падзеі канца 1990-х гадоў, калі Тачы ачольваў Армію вызвалення Косава, якая вяла ўзброеную барацьбу за незалежнасць ад Сербіі, піша bbc.com.
Хашым Тачы і трое іншых абвінавачваных, былых камандзіраў АВК, не прызналі віну. У судзе збіраюцца даказаць іх дачыненне да сотняў забойстваў і незаконных затрыманняў.
Тачы быў прэзідэнтам Косава ў 2016-2020 гадах, да таго часу, як яму выставілі абвінавачванне ў злачынствах.
