У ДТЗ пад Наваполацкам загінулі тры чалавекі
![У ДТЗ пад Наваполацкам загінулі тры чалавекі](/sites/default/files/styles/gallery_main/public/2023-08/navapolacak-1009.jpg.webp?itok=Q4adaPaj)
У ноч з 9-га на 10 верасня пад Наваполацкам здарылася аўтааварыя са смяротным вынікам, паведамляе uvd.vitebsk.gov.by.
ДТЗ адбылося ў 23.50 на дарозе Полацк-Наваполацк. Там сутыкнуліся Volkswagen Transporter і Volkswagen Golf. Пры ўдары легкавік перакуліўся, а мікрааўтобус з'ехаў у кювет, у яго адваліўся рухавік.
Абодва кіроўцы пры ДТЗ загінулі на месцы аварыі, пасажыраў даставілі ў лякарню. 44-гадовая пасажырка "Фальксваген Гольф" памерла ў 2 гадзіны ночы.
Паведамляецца, што ў легкавым аўтамабілі ехалі работнікі прадпрыемства "Палімір".
Акалічнасці аварыі высвятляюцца.