У Докшыцкім раёне машыніст бульдозера выпаў з кабіны і загінуў
Трагічнае здарэнне адбылося пасля завяршэння працоўнага дня / t.me/skgovby/
У Докшыцкім раёне загінуў машыніст бульдозера. Як паведамляе прэс-служба Следчага камітэта, трагічнае здарэнне адбылося ўвечары 1 красавіка. Пасля завяршэння працоўнага дня 59-гадовы машыніст пераганяў бульдозер на месца стаянкі.
Падчас руху мужчына выпаў з кабіны і трапіў пад гусенічную стужку. У выніку ён атрымаў траўмы несумяшчальныя з жыццём. Усё гэта бачылі яго калегі, якія і паведамілі пра здарэнне.
На месцы працавала следча-аператыўная група. СК праводзіць праверку.
