У цэнтры Мінска нечакана пачалася завіруха (фота)
На вуліцы Камсамольскай у Мінску пачаліся здымкі расійскага фільма "Завіруха". Паводле сцэнара фільма ў гарачую спёку нечакана пачалася завіруха.
Кажа рэжысёр фільма Мікалай Пігароў:
"Гэта моладзевы прыгодніцкі фільм, жанравы. Усе падрабязнасці мы пакуль не будзем адкрываць. Называецца "Метелица", а па-беларуску — "Завіруха". У нас гісторыя прыкладна такая, што пасярод гарачага лета пачынае ісці снег, і з'яўляецца розная нечысць, з якой потым нармальныя людзі сутыкаюцца".
Згодна са словамі рэжысёра, кіно здымаюць добрае, як казка, чаго не скажаш па выглядзе запэцканых у крыві актораў.
У шырокі пракат фільм мусіць выйсці ў траўні наступнага года.
"Гэта не фестывальнае кіно і здымаецца яно для шырокага паказу па ўсім свеце. Адзінае, што магу сказаць, — пра вампіраў у нас было кіно ў Расіі, а пра тых, пра каго мы здымаем, ніколі не было. Але жанр вельмі папулярны за мяжой", — кажа рэжысёр.
Фільм будзе прадубляваны па-руску і англійску. Працуе над стужкай рэжысёр Мікалай Пігароў, Ірына Сурыкава і аператар пастаноўшчык Улад Аравенкаў.
Фота аўтара.