У Брэсцкай вобласці спартоўцаў будуць абіраць па генетычнай схільнасці
Унікальны сумесны праект ладзяць упраўленне спорту і турызму аблвыканкама і Палескі дзяржаўны універсітэт.
Як піша абласная газета "Заря", на Брэстчыне ўвядуць тэхналогію генетычнага прагназавання схільнасці моладзі да заняткаў пэўнымі відамі спорту. Па задумцы распрацоўшчыкаў праекту, гэта дазволіць разумна падбіраць фізічную нагрузку, ацэньваць стрэсаўстойлівасць будучых спартоўцаў, а таксама папярэдзіць ускладненні стану здароўя.
Плануецца, што сродкі для рэалізацыі новага праекта вылучыць Фонд інавацыйных праграм аблвыканкама.
Фота — dubrovno.by
