У Брэсцкай вобласці двое шматдзетных бацькоў даведаліся, што ўсе дзеці не іх
![Генетычная экспертыза пацвердзіла словы, сказаныя "на эмоцыях"](/sites/default/files/styles/gallery_main/public/2024-02/dnk.jpg.webp?itok=o0NE0YcH)
Генетычная экспертыза пацвердзіла словы, сказаныя "на эмоцыях" / sudexpert.gov.by
У Брэсцкай вобласці двое шматдзетных бацькоў даведаліся, што ўсе дзеці не іх. Для гэтага праводзіліся ДНК-экспертызы.
Адзін з выпадкаў адбыўся ў Баранавіцкім раёне. Як піша sudexpert.gov.by, мясцовы жыхар разводзіўся з жонкай, узнікла пытанне выплаты аліментаў. Эксперты-генетыкі выключылі бацькоўства мужчыны, пяцёра дзяцей аказаліся не яго.
Падобная сітуацыя адбылася ў Кобрыне. Мужчына, які разводзіўся з жонкай, вырашыў праверыць яе словы, сказаныя, "на эмоцыях", што ўсе чацвёра дзяцей не яго. Генетычная экспертыза гэта пацвердзіла.
А жыхар Лунінецкага раёна высветліў, што з чатырох дзяцей яго бацькоўства пацверджана толькі ў адным выпадку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.