У Браславе адмянілі яшчэ адзін фэст з 60-гадовай гісторыяй
Адмянілі фэст у Браславе з 60-гадовай гісторыяй / braslav.vitebsk-region.gov.by
Стала вядома пра яшчэ адзін міжнародны фэст, адменены сёлета ў Беларусі. Браслаўскі райвыканкам скасаваў сваё рашэнне "Аб арганізацыі і правядзенні Міжнароднага свята традыцыйнай культуры "Браслаўскія зарніцы". Фэст мусіў прайсці 22-24 траўня.
Рашэнне было ўхваленае яшчэ 11 сакавіка, але на Наыянальным прававым партале яно з'явілася толькі 16 красавіка, звярнула ўвагу Радыё Свабода. На сайце Браслаўскага райвыканкама дагэтуль застаецца абвестка з запрашэннем прадстаўнікоў іншых краін да ўдзелу ў фэсце. Заяўкі на ўдзел прымалі да 1 сакавіка.
"Браслаўскія зарніцы" вядуць сваю гісторыю з 1967 года. У 2009-м фестываль набыў статус міжнароднага. Традыцыйна ў ім удзельнічалі танцоры, музыкі, выканаўцы песень з розных рэгіёнаў Беларусі, Расіі, Украіны, Літвы, Латвіі, Польшчы, Эстоніі. Ад 2012 года ў рамках фэсту адбывалася свята сярэднявечнай культуры "Меч Брачыслава". Планавалася, што сёлета праграму "Браслаўскіх зарніцаў" адкрые тысячны зводны хор.
Раней паведамлялася пра адмену іншых фестываляў у розных рэгіёнах Беларусі.
