У Браслаўскім раёне з помніка знялі расійскага двухгаловага арла

Пра помнік з расійскім арлом першым напісаў журналіст Зміцер Казакевіч. У інтэрнэце пачаўся збор подпісаў за яго дэмантаж. Казакевіч атрымаў ліст з Мінкультуры. Высветлілася, што ў Віцебскі аблвыканкам і ў Браслаўскі райвыканкам быў накіраваны ліст "з патрабаваннем прыняць меры па факце ўстаноўкі памятнага знаку з парушэннем дзеючага заканадаўства". Мінкульт спасылаецца на ліст з Інстытута гісторыі, у якім і ідзе гаворка пра памылкі і недакладнасці, звязаныя з памятным знакам у Відзах і з надпісам на ім.

У Браслаўскім райвыканкаме кажуць, што герб Расійскай імперыі на памятны камень ужо не вернецца. Што да надпісу, то яго змест узгадняе кіраўніцтва вучэльні.