У брамніка беларускай хакейнай зборнай Лаланда — страсенне мозгу
У брамніка хакейнай зборнай Беларусі Кевіна Лаланда выявілі страсенне мозгу. Пра гэта паведаміў памочнік галоўнага трэнера каманды Юрый Файкоў, перадае "Прессбол".
Траўму хакеіст атрымаў падчас гульні з камандай Польшчы. Пасля замены ў матчы Лаланд адразу сышоў у распранальню. Тая сустрэча скончылася перамогай беларусаў з лікам 5:3.
На сённяшнюю гульню супраць славенцаў Лаланд заяўлены не быў. Браму беларускай зборнай абараняе Міхаіл Карнавухаў.
