Вы тут

У Беларусі з 2023 года ўвядуць новы падатак — на прафесійны даход

Падатак для самазанятых

У Беларусі з 2023 года ўвядуць новы падатак — на прафесійны даход. Ён будзе альтэрнатывай падаходнаму падатку і страхавым унёскам у Фонд сацыяльнай абароны для самазанятых, не зарэгістраваных індывідуальнымі прадпрымальнікамі.

Цяпер памер адзінага падатку для фізічных асобаў, якія працуюць без ІП, залежыць ад горада і віда дзейнасці. А падатак на прафэсійны даход будзе адзіны для ўсіх. 

Для тых, хто працуе з фізічнымі асобамі, ён складзе 10%. Такая ж стаўка будзе для тых, хто працуе з юрыдычнымі асобамі, але да пэўнага памеру выручкі (60 тысяч рублёў). А з выручкі вышэй за гэты парог браць будуць у два разы больш: 20%.

Анансуецца, што плаціць новы падатак трэба будзе праз спецыяльную мабільную праграму. Рабіць гэта трэба будзе кожны месяц.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.