У Беларусі вызвалілі з турмы супрацоўніка літоўскай амбасады

У Беларусі ў пятніцу вызвалены з турмы грамадзянін Літвы Павілас Страшавічус. Ён ужо вярнуўся на радзіму.
Пра гэта паведаміў міністр замежных спраў Літвы Вігаўдас Ушацкас.

У 2000-2005 гадах Страшавічус працаваў у літоўскай амбасадзе ў Беларусі, пасля быў намеснікам загадчыка аддзела прэвенцыі і кантролю Службы адкрытых тэндэрных набыцццяў.

Афіцыйнай прычынай яго затрымання была незаконная гаспадарчая дзейнасць.

Як распавёў Лінас Бальсіс, прэс-сакратар літоўскага прэзідэнта Далі Грыбаўскайтэ, пытанне Страшавічуса ўздымалася ў Вільні падчас сустрэчы кіраўнікоў Літвы і Беларусі, перадае “Інтэрфакс-Захад” са спасылкай на BNS.