У Беларусі вырасла колькасць апраўдальных прысудаў
![У Беларусі вырасла колькасць апраўдальных прысудаў](/sites/default/files/styles/gallery_main/public/2023-08/dsc_1913_0.jpg.webp?itok=9-hjQfqz)
У Беларусі вырасла колькасць апраўдальных прысудаў. У 2019-м суды апраўдалі 114 чалавек (менш за 0,3%). Пра гэта паведаміў першы наменік старшыні Вярхоўнага суда Валерый Калінковіч. Паводле яго слоў, альбо ў дзеяннях грамадзяніна не было знойдзена складу злачынства, альбо яго віну не ўдалося даказаць. Напрыклад, адзін чалавек з ліку апраўданых абвінавачваўся ў забойстве, паведамляе БЕЛТА.
У 2018-м у нашай краіне апраўдалі 80 чалавек (0,19%), у 2017-м — 96 (0,23%), у 2016-м — 83 (0,2%), у 2015-м — 80 (0,18%). У 2012 годзе апраўдальных прысудаў было значна больш — 324.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.