У Беларусі выкананы трэці смяротны прысуд за год
Асуджаны да смяротнага пакарання жыхар Гомеля Аляксандр Груноў расстраляны.
Пра гэта інфармуе праваабарончы сайт "Вясна" са спасылкай на маці асуджанага Вольгу Грунову.
Па словах жанчыны, ёй прыйшла пасылка. У гэтай пасылцы была вопратка, у якой Аляксандр сядзеў у камеры смяротнікаў мінскай турмы на вуліцы Валадарскага.
Раней паведамлялася, што кіраўнік дзяржавы адмовіў Аляксандру Грунову ў памілаванні. Мужчыну асудзілі да смерці за жорсткае забойства гомельскай студэнткі Наталлі Емяльянчыкавай: на целе дзяўчыны было больш за 100 нажавых раненняў.
Нагадаем, сёлета ў красавіку былі расстраляныя 23-гадовы студэнт Павел Сялюн і 45-гадовы Рыгор Юзэпчук.
Фота — gp.by
