У Беларусі ў аўторак пачнецца праверка сістэмы апавяшчэння
Праверка на выпадак надзвычайнай сітуацыі / Ілюстрацыйнае фота pixabay.com
Ратавальнікі папярэджваюць, што плануецца запуск электрасірэннага абсталявання.
У Беларусі ў аўторак, 28 сакавіка, пачнецца рэспубліканская праверка сістэмы апавяшчэння. Ратавальнікі называюць яе "планавай".
Падчас праверкі "плануецца запуск электрасірэннага абсталявання на абласным і мясцовым узроўнях апавяшчэння, а таксама перахоп тэлебачання, FM-радыёстанцый і запуск бягучага радка на тэлеканалах". Таксама будзе СМС-рассылка.
Праверка працягнецца да 30 сакавіка. У ёй, акрамя ратавальнікаў, задзейнічаны мясцовыя ўлады, тэлеканалы, радыёстанцыі, "Белтэлекам" і аператары сотавай сувязі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.