У Беларусі супраць Ціханоўскай распачалі новую крымінальную справу
![У Беларусі супраць Ціханоўскай распачалі новую крымінальную справу](/sites/default/files/styles/gallery_main/public/2023-08/fltmz9axoaawrcj_0.jpg.webp?itok=E8BEfGsR)
У Беларусі супраць Святланы Ціханоўскай распачалі новую крымінальную справу. Генпракуратура РБ адрэагавала на адзін з яе відэаролікаў. У ім пабачылі "публічныя заклікі да здзяйснення акту тэрарызму і дыверсіі", да "здрады дзяржаве", а таксама да здзяйснення "іншых дзеянняў, накіраваных на прычыненне шкоды нацыянальнай бяспекі Рэспублікі Беларусь". Папярэдняе расследаванне праводзіць Следчы камітэт.
Ціханоўская — лідарка беларускага дэмакратычнага руху, з 2020 года яна жыве ў Літве. У Беларусі яе ўключылі ў спіс "тэрарыстаў", распачалі некалькі крымінальных спраў (сярод артыкулаў — "самавольнае прысваенне звання ці ўлады службовай асобы").
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.