У Беларусі працягвае скарачацца колькасць транспарту з пройдзеным тэхаглядам
Тэхагляд / t.me/beltehosmotr/
У Беларусі працягвае скарачацца колькасць транспарту з пройдзеным тэхаглядам. У чэрвені 2024 года — на 1,3% менш, чым за той жа месяц 2023-га. Прадпрыемства "Белтэхагляд" выдала 130 580 дазволаў на допуск транспартнага сродку да ўдзелу ў дарожным руху (83,3% — фізічным асобам). За першае паўгоддзе выдалі 778 270 дазволаў. Гэта на 5,7% менш, чым за студзень-чэрвень 2023-га.
У чэрвені 2024-га аформлена 586 дазволаў для ўласнікаў электрамабіляў, а з пачатку года — 8664.
Уласнікам-фізічным асобам за кіраванне транспартам без тэхагляду пагражае да 120 рублёў штрафу, юрыдычным асобам — да 400 рублёў.
