У Беларусі пачынаецца першы суд над памерлым чалавекам
![Вярхоўны суд Беларусі](/sites/default/files/styles/gallery_main/public/2023-09/sud-2009.jpg.webp?itok=UWS1iz41)
Вярхоўны суд Беларусі / Еўрарадыё
У Вярхоўным судзе Беларусі 8 лютага пачынаецца першы працэс над памерлым чалавекам. Уладзіміра Катрука абвінавачваюць "ва ўчыненні злачынства, прадугледжанага артыкулам 127 КК Рэспублікі Беларусь (генацыд)",– гаворыцца ў паведамленні прэс-службы суда.
Нагадаем, магчымасць весці крымінальнае расследаванне ў дачыненні да памерлых людзей і судзіць іх з'явілася ў Беларусі летась – пасля ўнясення адпаведных паправак у Крымінальна-працэсуальны кодэкс.
Уладзімір Катрук нарадзіўся ва Украіне. Падчас Другой сусветнай вайны ён служыў у 118-м батальёне шуцманшафта і, паводле дакументаў КДБ СССР, удзельнічаў у карнай аперацыі ў Хатыні. Пасля Другой сусветнай вайны ён перабраўся ў Канаду. Памёр ад інсульту ў маі 2015 года. Незадоўга да яго смерці Расія прасіла выдаць Катрука для суда. Але на фоне анэксіі Крыма канадскі ўрад праігнараваў гэтую просьбу.
![В Беларуси начинается первый суд над умершим человеком](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-02-08%20092910.png.webp?itok=GHAu68yl)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.