У Беларусі на аўторак прагназуецца моцны вецер
Зімой у Беларусі / t.me/tropinki/
У Беларусі на аўторак, 14 лютага, прагназуецца моцны вецер. На ўсходзе краіны яго парывы будуць дасягаць 15-20 м/с. Сіноптыкі аб'явілі аранжавы ўзровень небяспекі.
Таксама на ўсходзе Беларусі ўначы і раніцай магчымыя ападкі — снег, мокры снег і дождж.
Тэмпература паветра ў начныя гадзіны складзе ад -5 на поўначы да +3 на захадзе (у Мінску — ад -1 да +1), у дзённыя гадзіны — ад 0 да +6 градусаў (у сталіцы — 1-3 цяпла).
