У Беларусі купіць пнеўматыку змогуць толькі паўналетнія
Каб атрымаць і падоўжыць дазвол на валоданне агнястрэльнай зброяй у Беларусі, давядзецца атрымаць медыцынскую даведку. Новаўвядзенне ўступіць у законную сілу з 26 красавіка гэтага года, інфармуе тэлеканал “Беларусь 1”. З канца красавіка набыць пнеўматычныя пісталеты змогуць толькі паўналетнія. Праваахоўнікі кажуць, што такі крок — хутчэй, мера на апярэджанне, чым неабходнасць.
Дарэчы, міліцыя працягвае выводзіць з незаконнага абароту агнястрэльную зброю. 3 красавіка па ўсёй краіне пачнуцца мерапрыемствы ў рамках акцыі “Арсенал”, якая працягнецца 5 дзён. У гэты час кожны, хто добраахвотна прынясе ў міліцыю свой незарэгістраваны пісталет або стрэльбу, не панясе абсалютна ніякай адказнасці.
