У Беларусі і Расіі немагчыма будзе здаць тэсты TOEFL
Міжнародная сістэма ацэнкі англійскай мовы TOEFL прыпыніла правядзенне тэстаў у Расіі і Беларусі, піша devby.io. Прычынай называецца "абвастрэнне знешнепалітычнай абстаноўкі" — то бок, вайна ва Украіне.
Кампанія патлумачыла ў сваім лісце, што ўдзельнікі тэставання атрымаюць ці ўжо паведамленні на гэтым тыдні: "У іх акаўнтах прадастаўляецца бясплатная спасылка на перанос, па якой яны могуць выбраць новую дату, час і месца тэставання. Агульны тэст GRE дома, TOEFL IBT Home Edition і TOEFL Essentials не будуць даступныя для тэставання ў Расіі ці Беларусі".
Напярэдадні сістэма IELTS таксама заявіла, што прыпыняе здачу тэстаў для расіян. Гэты крок тлумачыўся рашэннкм уласнікаў іспыту — British Council і Cambridge Assessment English.
Сертыфікаты тэстаў TOEFL, якія пацвярджаюць узровень валодання англійскай мовай, патрэбныя для паступлення ў многія ВНУ Еўропы, ЗША і Азіі. Таксама іх патрабуюць розныя замежныя кампаніі пры прыёме на працу.
