У Беларусь з КНР маглі даставіць вайсковую тэхніку
Транспартны самалёт прылятаў чатыры разы за чатыры дні (ілюстрацыйнае фота) / jetphotos.com
У Беларусь з КНР маглі даставіць вайсковую тэхніку. Маніторынгавая група "Беларускі Гаюн" назвала актыўнасць кітайскай грузавой авіякампаніі Air China Cargo у пачатку студзеня "нетыповай". Транспартны самалёт Boeing 747-4FTF прылятаў з Урумчы ў Нацыянальны аэрапорт Мінск чатыры разы за чатыры дні.
У беларускім аэрапорце самалёт знаходзіўся на стаянцы, зарэзерваванай для абслугоўвання ўрадавых самалётаў. Ужо праз тры гадзіны, дастатковых для разгрузкі, ён вяртаўся ў Кітай.
Што канкрэтна прывезлі чатырма бартамі, пакуль невядома. Але ўсё ж такі гэта груз ваеннага прызначэння, адзначае маніторынгавая група.
