У Беларусь не пусцілі віцэ-маршалка Сенату Польшчы

Беларускія памежнікі не пусцілі ў нашу краіну віцэ-маршалка Сенату Польшчы. Кшыштаф Путра накіроўваўся ў Гродна разам з намеснікам кіраўніка канцылярыі Сенату Рамуальдам Ланчкоўскім для ўдзелу ў мерапрыемствах, прысвечаных Дню Войска Польскага.
Да Ланчкоўскага беларускія мытнікі не мелі ніякіх пытанняў, аднак ён
разам з віцэ-маршалкам вярнуўся ў Польшчу. Нагадаем, што яны з’яўляюцца
прадстаўнікамі кіроўнай партыі Польшчы “Права і справядлівасць”.

Планавалася, што ў 18 гадзінаў палітыкі возьмуць удзел ва ўскладанні
кветак на вайсковых могілках у Гродне, дзе пахаваныя польскія афіцэры і
жаўнеры.

Радыё Свабода