У Баранавічах спрабавалі падпаліць будынак пракуратуры
![У Баранавічах спрабавалі падпаліць будынак пракуратуры](/sites/default/files/styles/gallery_main/public/2023-08/sk1.jpg.webp?itok=7v3FqEyl)
У Баранавічах спрабавалі падпаліць будынак міжраённай пракуратуры. Увечары 12 кастрычніка невядомыя асобы кінулі ў акно слоік з нейкай вадкасцю, было разбітае шкло, паведамляе ў Telegram прэс-служба Следчага камітэта.
На месцы здарэння працавала следча-аператыўная група, распачата крымінальная справа па артыкуле "хуліганства" (арт. 339 КК).
СК нагадвае, што 8 кастрычніка падобны выпадак адбыўся ў Жодзіне, дзе ўначы невядомыя падпалілі дзверы ў мясцовай пракуратуры. Таксама была распачата крымінальная справа. Яшчэ раней у Бабруйску былі падпаленыя дзверы апорнага пункту міліцыі. Усе гэтыя здарэнні адбыліся на фоне разгонаў масавых акцый пратэстаў, затрыманняў і збіцця іх удзельнікаў, тысяч адміністрацыйных спраў і соцень крымінальных.
![У Баранавічах спрабавалі падпаліць будынак пракуратуры](/sites/default/files/paragraphs/image/sk2_1.jpg)
![У Баранавічах спрабавалі падпаліць будынак пракуратуры](/sites/default/files/paragraphs/image/sk3_1.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.