У аўторак чакаюцца дажджы, з серады зноў пачне цяплець
У аўторак, 23 ліпеня, у Беларусі чакаецца воблачнае з праясненнямі надвор'е, інфармуе Белгідрамет.
Уначы па паўночным усходзе краіны, а зранку і ўдзень на большай частцы тэрыторыі пройдуць дажджы, месцамі прагназуюцца навальніцы і моцныя дажджы. Вецер будзе заходні, паўночна-заходні ўмераны, пры навальніцах парывісты.
Уначы прагназуецца 11-17 цяпла, удзень паветра прагрэецца да 18-24 са знакам "плюс".
24 ліпеня кароткачасовыя дажджы пройдуць толькі месцамі, удзень па паўднёвым усходзе Беларусі магчымыя навальніцы. Уначы і зранку ў асобных раёнах прагназуецца слабы туман. Вецер будзе паўночны ўмераны.
Уначы чакаецца ад +10 да +15, удзень будзе 21-27 са знакам "плюс".
У чацвер, 25 ліпеня, ападкаў не чакаецца, толькі месцамі па паўднёвым усходзе краіны пройдуць кароткачасовыя дажджы. Уначы і зранку ў асобных раёнах прагназуецца слабы туман. Вецер будзе паўночны ўмераны.
Уначы тэрмометры пакажуць 10-15 вышэй за нуль, удзень будзе 22-29 цяпла.
