У аўторак амаль па ўсёй Беларусі чакаюцца дождж і мокры снег
![У беларускім лесе, сакавік 2024-га](/sites/default/files/styles/gallery_main/public/2024-03/619a76ef3a75ae6ebab1021c8ce9b6a3.jpg.webp?itok=uNyyMnG0)
У беларускім лесе, сакавік 2024-га / sb.by
У аўторак, 5 сакавіка, амаль па ўсёй Беларусі чакаюцца дождж і мокры снег. Ападкі магчымыя пераважна ўначы і раніцай, а ўдзень — толькі месцамі на захадзе. Сіноптыкі папярэджваюць пра галалёд і галалёдзіцу на дарогах, а таксама слабы туман.
У начныя гадзіны тэмпература паветра складзе ад -4 градусаў на паўночным усходзе краіны да +3 на Брэстчыне. У дзённыя гадзіны будзе 2-8 цяпла, а на паўднёвым захадзе — да +11.
У сераду пераважна без ападкаў. Крыху пахаладае — ўдзень ужо будзе не больш за +6 градусаў. А ў чацвер уначы месцамі прагназуецца да -10.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.