У Атлантыцы сутыкнуліся дзве атамныя падводныя лодкі — The Sun

У Атлантычным акіяне сутыкнуліся дзве атамныя падводныя лодкі — брытанская "Вангард" і французская "Ле Трыямфан", паведамляе брытанскі таблоід The Sun.

Па звестках выдання, сутыкненне адбылося пад вадой 3 або 4 лютага, аднак вядома пра яго стала толькі цяпер. Брытанская падлодка была адбуксіравана ў порт у Шатландыі.

На ёй бачныя ўвагнутасці і драпіны. "Ле Трыямфан" сваім ходам дайшла ў французскі Брэст — у яе сур'ёзна пашкоджаны абцякальнік гідралакатара.

Выданне прыводзіць словы неназванага прадстаўніка міністэрства абароны Вялікабрытаніі, які паведаміў, што пры сутыкненні ўцечкі радыяцыі не адбылося.

Па звестках The Sun, у момант аварыі на борце абедзвюх падлодак знаходзіліся каля 250 чалавек.

Якіх-небудзь каментароў з боку Міністэрства абароны Францыі пакуль няма.

Lenta.ru