У Астравецкім раёне школьны аўтобус з дзецьмі захрас у снезе

У Астравецкім раёне Гродзенскай вобласці школьны аўтобус з дзецьмі захрас у снезе. У снежным палоне апынуліся сем чалавек, у тым ліку пяцёра школьнікаў.

Здарэнне адбылося раніцай 11 снежня на аўтадарозе Керняны — Чэрнішкі. На дапамогу прыйшлі ратавальнікі. Супрацоўнікі МНС зачапілі аўтобус буксіровачным тросам і выцягнулі са снегу.

Аўтобус пашкоджанняў не атрымаў і паехаў далей па сваім маршруце з дзецьмі.