У Арыны Сабаленка каранавірус

У беларускай тэнісісткі Арыны Сабаленка каранавірус. Пра гэта яна напісала ў сторыс Instagram: "На жаль, я здала станоўчы тэст". Здарылася гэта ў Індыян-Уэлсе ў ЗША, дзе на наступным тыдні Сабаленка збіралася паўдзельнічаць у турніры.

"У мяне пачаўся перыяд ізаляцыі, я застануся тут да ўхвалы лекараў і органаў аховы здароўя, — працягвае дзяліцца невясёлымі навінамі тэнісістка. — Цяпер я адчуваю сябе добра, але вельмі шкада, што не атрымаецца выступіць у гэтым годзе".

Арыне Сабаленка 23 гады. Сёлета ў яе быў добры сезон — яна ўпершыню стала другой ракеткай свету, выйграла турніры ў Мадрыдзе і Абу-Дабі, даходзіла да паўфіналаў US Open і Уімблдона.