У апошні дзень вясны ў Беларусі магчымыя навальніцы

У апошні дзень вясны ў Беларусі ў дзённыя гадзіны магчымыя навальніцы. Сіноптыкі паведамляюць, што яны чакаюцца ў асобных раёнах. Уначы кароткачасовыя дажджы пройдуць пераважна на паўночным усходзе, а ўдзень — месцамі па краіне.

У начныя гадзіны тэмпература паветра складзе ад +5 да +10 (у Мінску — 6-8 цяпла, на ўсходзе — да +13), у дзённыя гадзіны — ад +16 да +22 градусаў (у сталіцы — ад +18 да +20).