Тайланд пачаў выдаваць беларусам "візы па прыбыцці"
У аэрапорце Бангкока / Reuters
З 15 ліпеня Тайланда пачаў адкрываць візы грамадзянам Беларусі ў сваіх аэрапортах. РБ увайшла ў спіс 31 краіны, для якой дзейнічае праграма "Віза па прыбыцці". Такім чынам, каб атрымаць візу ў Тайланд, больш не трэба загадзя ісці ў дыппрадстаўніцтва гэтай дзяржавы.
Каб атрымаць візу ў аэрапорце, трэба будзе выканаць шэраг умоў, нагадалі ў Рэспубліканскім саюзе турыстычных арганізацый. Трэба будзе запоўніць анкету для іміграцыйнай службы, прадаставіць фота памерам 4 х 6 см, зробленае на працягу паўгода. Тэрмін дзеяння пашпарта пры гэтым павінен быць не менш за 30 дзён. Турысту таксама трэба будзе прадаставіць пацверджанне пражывання ў Тайландзе (адрас гатэля ці кватэры), а таксама паказаць сродкі для пражывання (мінімум 10 000 бат (каля 275 даляраў) для адзінокіх падарожнікаў і 20 000 бат для сям'і). Трэба будзе паказаць і зваротны білет. Білеты з адкрытай датай разглядацца не будуць.
Адзначым, атрымаць "візу па прыбыцці" можна толькі для турыстычных мэт. Яе выдаюць на 15 дзён.
