Такаеў: праз два дні пачнецца паэтапны вывад кантынгенту АДКБ
Праз два дні пачнецца паэтапны вывад вайсковага кантынгенту АДКБ з Казахстана. Пра гэта паведаміў кіраўнік дзяржавы Касым-Жамарт Такаеў, перадае vlast.kz.
Па яго словах, асноўная місія міратворчых сіл АДКБ паспяхова завершаная. Поўны вывад войскаў АДКБ з краіны плануецца правесці цягам 10 дзён.
Такаеў запэўніў, што вострая фаза контртэрарыстычнай спецаперацыі пройдзеная.
Паводле інфармацыі МУС Казахстана, за апошнія дні ў краіне затрымана 9900 чалавек.
