Сюрпрызаў не будзе — як улады збіваюць “градус незадаволенасці”
![Сюрпрызаў не будзе — як улады збіваюць “градус незадаволенасці”](/sites/default/files/styles/gallery_main/public/2023-08/bez_imeni-2_11.jpg.webp?itok=8Mx1lu3j)
Рашэнне Цэнтрвыбаркама не рэгістраваць двух галоўных сапернікаў Аляксандра Лукашэнкі на сёлетніх выбарах — Віктара Бабарыку і Валерыя Цапкалу — выклікала чарговую хвалю незадаволенасці ў значнай часткі грамадства. Найперш тых яшчэ нядаўна цалкам апалітычных людзей, якія раптам вырашылі, што са з’яўленнем “нечаканых кандыдатаў” яны займелі магчымасць нешта змяніць у краіне. Дык вось не, сказала ЦВК. Але тое, на якіх падставах было адмолена ў рэгістрацыі Бабарыку і Цапкалу, іх прыхільнікамі было ўспрынята як знявага.
Чаму ўлады абралі шлях крымінальнага пераследу і ўкіду кампрамату супраць сваіх апанентаў? Ці атрымаецца разгонамі напалохаць новую генерацыю прыхільнікаў перамен? Які шлях далейшага ўдзелу ў выбарчай кампаніі найбольш адпаведны настроям грамадства?
На гэтыя ды іншыя пытанні ў жывым эфіры Еўрарадыё адказваюць палітычны аналітык Юрый Дракахруст і лідар Руху “За свабоду” Юрый Губарэвіч.
Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.