Сёння стартуюць ХXII зімовыя Алімпійскія гульні

У 15 дысцыплінах сямі відаў спорту агулам будуць разыграныя 98 камплектаў узнагарод. Беларусь прадставяць 27 спартоўцаў, якія паўдзельнічаюць у спаборніцтвах па 5 дысцыплінах: біятлон, фрыстайл, лыжныя гонкі, горныя лыжы і шорт-трэк. Аляксандр Лукашэнка заявіў, што чакае ад беларускіх алімпійцаў паспяховых выступаў. Дарэчы, кіраўнік Беларусі на запрашэнне прэзідэнта Расіі наведае цырымонію адкрыцця XXII зімовых Алімпійскіх гульняў у Сочы.
 

Жывая трансляцыя з урачыстага адкрыцця Алімпійскіх гульняў на тэлеканале "Беларусь 1" пачнецца ў 19.10.

У Сочы ўведзеныя беспрэцэдэнтныя меры бяспекі. Нягледзячы на ранейшыя пагрозы з боку баевікоў з Паўночнага Каўказу, улады Расіі заяўляюць пра поўную бяспеку Гульняў.  
 

Склад беларускай зборнай:

біятлон — Дар'я Домрачава, Надзея Скардзіна, Людміла Калінчык, Настасся Дубарэзава, Надзея Пісарава; Сяргей Новікаў, Яўген Абраменка, Юрый Лядаў, Уладзімір Чапелін, Аляксандр Дарожка.

фрыстайл — Аляксей Грышын (сцяганосец зборнай), Дзмітрый Дашчынскі, Антон Кушнір, Дзяніс Восіпаў; Ала Цупер, Ганна Гуськова, Вольга Капусціна.

лыжныя гонкі — Сяргей Далідовіч, Аляксандр Лазуткін, Міхаіл Сямёнаў, Аляксей Іваноў; Алена Саннікава, Валянціна Камінская.

горныя лыжы — Юрый Данілачкін; Марыя Шканава.

шорт-трэк — Максім Сяргееў; Вольга Талаева.
 

Фота — ria.ru