Сёння пройдуць перамовы Пуціна і Мясніковіча
Перамовы прэм'ер-міністраў Расіі Уладзіміра Пуціна і Беларусі Міхаіла Мясніковіча адбудуцца ў Маскве 20 студзеня.
Пра гэта паведаміла прэс-служба расійскага ўрада. Пуцін і Мясніковіч "абмяркуюць актуальныя пытанні двухбаковага супрацоўніцтва, у прыватнасці, у гандлёва-эканамічнай і энергетычнай сферах, а таксама перспектывы ўзаемадзеяння ў межах Мытнага саюза", - гаворыцца ў паведамленні.
Мясніковіч быў прызначаны прэм'ер-міністрам 28 снежня 2010 года. Паездка ў Маскву будзе першым замежным візітам Мясніковіча ў якасці кіраўніка ўрада.
