Сваякі Яны Пінчук атрымалі ліст ад дзяўчыны — з Яраслаўля

Сваякі Яны Пінчук атрымалі ад яе ліст з Яраслаўля. Ён датаваны 14 жніўня, паведамляе ТГ-канал "Свабоду Яне Пінчук".

"Этап з Пецярбурга ў Яраслаўль заняў 4 дні, далей Яну мусяць павезці ў Смаленск, а ўжо адтуль у Беларусь. Рука вельмі моцна баліць пасля ўсіх сумак, а этапуюць Яну сталыпінскім вагонзакам", — паведамляюць абаронцы Яны.

Беларуска Яна Пінчук затрыманая ў Расіі паводле запыту беларускіх уладаў. Яе падазраюць у адміністраванні пратэсных чатаў. На радзіме ёй пагражае да 19 гадоў зняволення. Камітэт ААН па правах чалавека забараніў Расіі выдаваць дзяўчыну на радзіму, але расійскія ўлады праігнаравалі гэтую забарону.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.