Суседзі Беларусі перайшлі на летні час

У ноч з 24 на 25 сакавіка суседзі Беларусі перайшлі на летні час. Польшча, Літва, Латвія і Украіна перавялі стрэлкі гадзіннікаў на гадзіну наперад. Беларусь не пераходзіць на летні час ужо 7 гадоў. Не пераводзіла стрэлкі гадзіннікаў і Расія (з гэтай краінай у нас аднолькавы час).

Яшчэ ўчора ў Беларусі з Польшчай было “-2”, цяпер — “-1”, з Літвой, Латвіяй і Украінай было “-1”, цяпер з гэтымі краінамі ў нас аднолькавы час.  Праўда, часова, да восені.

Беларуская чыгунка ўжо адрэагавала на пераход амаль усіх суседзяў на летні час і аб'явіла пра тое, якія змены ўнесены ў расклад руху цягнікоў.