Супраць віцэ-спікера Палаты прадстаўнікоў прагаласавалі чацвёра дэпутатаў
![Супраць віцэ-спікера Палаты прадстаўнікоў прагаласавалі чацвёра дэпутатаў](/sites/default/files/styles/gallery_main/public/2023-08/pirshtuk2.jpg.webp?itok=Qm0sqBuB)
Намеснікам старшыні Палаты прадстаўнікоў абраны Баляслаў Пірштук. Да абрання ў парламент ён працаваў намеснікам старшыні Гомельскага аблвыканкама, дзе займаўся пытаннямі эканомікі. У 2010 годзе стаў ганаровым грамадзянінам горада Светлагорска. А на пасаду віцэ-спікера яго вылучыў асабіста старшыня ПП Уладзімір Андрэйчанка.
Іншых прапановаў ад дэпутатаў не паступіла, хаця Андрэйчанка адмыслова запытаўся пра гэта. Пірштук сказаў кароткую прамову. Пасля быў абвешчаны перапынак, а пасля яго адбылося тайнае галасаванне. Пераважнай большасцю галасоў: 105 "за" пры 4 "супраць" — Баляслаў Пірштук быў абраны віцэ-спікерам Палаты прадстаўнікоў.
На дадзены момант гэта самае пратэстнае галасаванне новай "палаткі": калі старшынём ПП выбіралі Уладзіміра Андрэйчанку, супраць быў пададзены толькі адзін голас.