Супольнасць чыгуначнікаў: трафік эшалонаў у напрамку Украіны расце
Нарастаюць тэмпы перакідання ваеннай тэхнікі да беларуска-ўкраінскай мяжы, расказалі Еўрарадыё ў Супольнасці чыгуначнікаў Беларусі. Нашы суразмоўцы кажуць, што перакідку тэхнікі пачалі планаваць яшчэ на мінулым тыдні.
“Пакуль няма звестак пра аб'ёмы ўзбраенняў і колькасць вайскоўцаў, якія ўдзельнічаюць у гэтай перадыслакацыі. Але чыгуначны трафік воінскіх эшалонаў у напрамку Украіны расце з кожнымі суткамі", — сказалі Еўрарадыё ў Супольнасці чыгуначнікаў Беларусі .
Раней УСУ Украіны заяўлялі, што не чакаюць наземнага наступу з Беларусі, аднак не выключаюць магчымасцяў правакацый на беларуска-ўкраінскай мяжы.
"Не выключаецца магчымасць узброеных правакацый з боку сіл спецыяльных аперацый Беларусі і Расіі, а таксама наймітаў з прыватных вайсковых кампаній на мяжы з Украінай для інспіравання антыўкраінскіх настрояў у Беларусі".
