Вы тут

Суд па "справе БелаПАН" пачнецца 6 чэрвеня

Суд па "справе БелаПАН" будзе закрытым

Суд па "справе БелаПАН" пачнецца 6 чэрвеня, паведамляе Sputnik са спасылкай на Мінскі абласны суд. 

Працэс пройдзе ў будынку суда Мінскага раёна і будзе закрытым.

Па "справе БелаПАН" абвінавачваюць чатырох чалавек — Ірыну Леўшыну, Ірыну Злобіну, Андрэя Аляксандрава і Дзмітрыя Наважылава. Усе яны, акрамя Злобінай, сваім часам працавалі ў інфармацыйным агенцтве БелаПАН, якое пазней улады прызналі "экстрэмісцкім фармваннем". (18 жніўня 2021 года ў інфармагенцтве адбыліся ператрусы, сайт БелаПАН перастаў працаваць.)

Наважылава і Аляксандрава вінавацяць ва ўхіленні ад падаткаў. Аляксандрава і Злобіну — у "фінансаванні пратэстаў": яны перадавалі рэпрэсаваным матэрыяльную дапамогу ад фонду By_Help. Па гэтым абвінавачанні следчыя налічылі ажно чатыры мільёны долараў.

Агулам у справе фігуруюць абвінавачанні па чатырох артыкулах Крымінальнага кодэкса — ч. 2 арт. 243 (ухіленне ад выплаты падаткаў, збораў), ч. 2 арт. 342 (іншая падрыхтоўка асоб для ўдзелу ў групавых дзеяннях, якія груба парушаюць грамадскі парадак), ч.1 арт. 356 (здрада дзяржаве), ч. 1 арт. 361-1 (стварэнне і кіраўніцтва экстрэмісцкім фармаваннем).

Андрэй Аляксандраў, Ірына Злобіна, Ірына Леўшына, Дзмітрый Наважылаў

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.