Суд над арт-менеджарам Уладзімірам Булаўскім прызначаны на 15 траўня

Палітвязня Уладзіміра Булаўскага вінавацяць у "неаднаразовым парушэнні парадку масавых мерапрыемстваў" (арт 342-2 КК). Суд над ім прызначаны на 15 траўня, паведамляе праваабарончы цэнтр "Вясна".

Разглядаць справу віцебскага арт-менеджэра і музыку будуць у судзе Першамайскага раёна Віцебска. Судзіць яго будзе Міхаіл Юрчанка.

Як адзначаюць праваабаронцы, пачаць крымінальную справу паводле арт. 342-2 КК могуць, калі чалавека двойчы за год асудзілі паводле арт. 24.23 КаАП "несанкцыянавае пікетаванне", а потым цягам года зноў затрымалі за "пікет".

Булаўскага затрымалі на пачатку ліпеня 2022 года перад канцэртам "Купальскае кола" ў Сянне.

Еўрарадыё паведамляла, што нядаўна ў Булаўскага памёр бацька, але развітацца з ім сына не адпусцілі. Палітвязню не прапускаюць амаль ніводнай весткі з волі.