"Стылягі" і "Палата №6" прэтэндуюць на "Залаты глобус"

Дзве расійскія карціны - "Стылягі" Валерыя Тадароўскага і "Палата №6" Карэна Шахназарава, змогуць прэтэндаваць на месца ў шорт-лісце намінантаў на прэмію "Залаты глобус" у катэгорыі "лепшы замежны фільм", паведамляе рэсурс ScreenDaily. Усяго да ўдзелу ў конкурсе дапушчаныя 69 фільмаў з розных краін. Сярод прэтэндэнтаў, у прыватнасці, карціна-пераможца Канскага кінафестывалю "Белая стужка" Міхаэля Ханэке, а таксама фільм "Прарок" Жака Адзіяра, які заваяваў у Канах "Гран-пры" і іншыя вядомыя карціны.

Адзначым, што "Палата №6" таксама выстаўленая Расіяй на атрыманне ўзнагароды амерыканскай кінаакадэміі, а "Стылягі" уганараваныя прэміяй "Ніка" як лепшы фільм года.

Шорт-ліст намінантаў на ўзнагароду Галівудскай асацыяцыі замежнай прэсы будзе абвешчаны 15-га снежня, а сама 67-я цырымонія ўручэння прэмій адбудзецца 17-га студзеня 2010 года ў гатэлі Beverly Hilton Hotel.

Імёны некаторых лаўрэатаў ужо вядомыя. Так, амерыканскі рэжысёр Марцін Скарсэзэ атрымае ганаровы "Залаты глобус", вядомы таксама як прэмія Сэсіла Деміля (Cecil B. DeMille Award). Такім чынам Галівудская асацыяцыя замежнай прэсы вырашыла адзначыць унёсак Скарсэзэ ў сусветны кінематограф.

Вядучым урачыстай цырымоніі будзе брытанскі комік Рыкі Джэрвейс.

Фота: www.ruskino.ru