Студэнт забіў сябе, калі прайграў 3000$ на стаўках на ЧС-2014
23 чэрвеня кітайскі студэнт-другакурснік па прозвішчы Лін скокнуў з сёмага паверху будынка на тэрыторыі кампуса.
Яго даставілі ў лякарню, аднак медыкі не здолелі выратаваць жыццё маладога чалавека. Як піша "Прессбол" са спасылкай на азіяцкую прэсу, хлопец актыўна рабіў стаўкі на матчы футбольнага чэмпіянату свету ў Бразіліі і, у выніку, прайграў больш за тры тысячы долараў.
Сведкі кажуць, што чулі, як хлопец прасіў кагосьці пачакаць, каб ён мог вярнуць пазычаныя грошы. Па іх словах, студэнт пазычыў шмат грошай пад высокую стаўку.
Фота — easy-sport.ru
