Статкевіча і блогера Казлова далучылі да "справы Ціханоўскага"
![Статкевіча і блогера Казлова далучылі да "справы Ціханоўскага"](/sites/default/files/styles/gallery_main/public/2023-08/dscn9279.jpg.webp?itok=vasaUhZU)
Апазіцыйнага палітыка Мікалая Статкевіча і блогера Змітра Казлова ("Шэры кот") далучылі да "справы Ціханоўскага". Палітвязням ужо выставілі абвінавачванні ў "арганізацыі і падрыхтоўцы дзеянняў, што груба парушаюць грамадскі парадак" (ч. 1 арт. 342 КК), ім пагражае да трох гадоў пазбаўлення волі. Пра гэта Радыё Свабода паведаміў адвакат Уладзімір Сазанчук. Паводле яго слоў, сваёй віны Статкевіч і Казлоў не прызнаюць — 29 траўня ў Гродне, калі быў затрыманы блогер Сяргей Ціханоўскі, яны не былі.
Калі блогера Змітра Казлова затрымалі 10 чэрвеня, то палітык Мікалай Статкевіч знаходзіцца за кратамі з 31 траўня. Спачатку гэта быў адміністрацыйны арышт.
Па "справе Ціханоўскага" ўжо праходзіць амаль два дзясяткі чалавек.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.