Сталічная ДАІ правяла ў начным клубе акцыю для моладзі

Сталічная Дзяржаўтаінспекцыя правяла ў ноч з 26 на 27 лютага ў клубе "Афрыка" акцыю "Моладзь за бяспеку!".
У праграме акцыі было выступленне танцуючага рэгуліроўшчыка, якога падтрымлівалі танцоркі клуба і госці.

Таксама наведвальнікі дыскатэкі ўдзельнічалі ў інтэрактыўных гульнях і конкурсах, арганізаваных ДАІ. Кожны наведвальнік пры набыцці ўваходнага білета атрымаў у падарунак флікер.

БелаПАН