Сталі публікаваць асабістыя дадзеныя асуджаных наркадылераў
Такое новаўвядзенне з'явілася ў Пінску.
Мясцовыя ўлады вырашылі ўзмацніць барацьбу з гандлем наркотыкамі ды пачалі прымяняць нестандартныя метады. Упершыню на афіцыйным сайце пінскага гарвыканкама з’явілася прыватная інфармацыя асуджанага наркадзялка. "Піянерам" стаў 28-гадовы Віталь Афонін, якога за незаконны збыт наркотыкаў асудзілі на 8 гадоў пазбаўлення волі ў калоніі ўзмоцненага рэжыму з канфіскацыяй маёмасці.
Акрамя гэтага ў паведамленні пазначаныя былое месца працы і адрас асуджанага.
